Gjobiten transportuesit publikë në kryeqytet për mosmbajtje të distancës
Inspektorët e rendit në Prishtinë bashkë me Policinë e Kosovës kanë inspektuar sot transportin e udhëtarëve nëpër stacionet kryesore të kryeqytetit.
Pas inspektimeve janë gjobitur përgjegjësit me nga 200 euro, ndërsa kompanitë me nga 500 euro.
Nuk bëhet i ditur numri i kompanive apo përgjegjësve që janë dënuar. Shkak për gjobat është mosmbajtja e distancës si masë mbrojtëse kundër Covidit në mjetet e transportit publik.
Lajmin e ka bërë me dije nëpërmjet llogarisë së vet në “Facebook”, Adonis Tahiri, drejtor i Inspeksionit në Prishtinë.
