Gjenerali amerikan: Al-Kaida mund të kërcënojë ShBA-në në më pak se 12 muaj
Gjenerali amerikan, Mark Milley, ka paralajmëruar se terroristët e Al- Kaidës në Afganistan mund të kërcënojnë SHBA-në në më pak se 12 muaj.
Sipas tij, tani do të ishte më e vështirë për të mbrojtur amerikanët nga sulmet terroriste nga Afganistani.
“Talibanët ishin dhe mbeten një organizatë terroriste dhe ende nuk i kanë prishur lidhjet me Al-Kaidën,” është shprehur Milley, shkruan BBC.
“Një Al-Kaida ose ISIS me aspirata për të sulmuar ShBA-në është një mundësi shumë reale, dhe ato kushte për të përfshirë aktivitetin në hapësirat e pakontrolluara mund të paraqiten në 12-36 muajt e ardhshëm”, ka përfunduar ai.
