Gjendet i vdekur në rrugë një person në Prizren

Një person është gjetur pa shenja jete në rrugën “Ekrem Rexha”, sot rreth orës 14:00 në Prizren.

Sinjali ka mësuar se bëhet fjalë për një person të moshës 66 vjeçare.

Lajmin e kanë konfirmuar edhe nga Policia e Kosovës, ku zëdhënësi për informim Vesel Gashi ka bërë të ditur se rasti është hapur si vdekje e dyshimtë.

Policia ka pranuar një informatë se në rrugën Ekrem Rexha, është gjendur një trup i pajetë i shtrirë në rrugë. Njësitet përkatëse kanë dalë në vendin e ngjarjes kanë marrë të gjitha veprimet dhe në koordinim me Prokurorin e Shtetit, rasti është iniciuar si vdekje e dyshimtë”, ka treguar Gashi.

Po ashtu, Gashi tregoi se rastin në polici e kishte paraqitur vëllai i viktimës, i cili kishte treguar se ka humbur kontaktin me të.

“Sipas ankuesit, vëllait të tij thuhet se me të njëjtin e ka humbur kontaktin dhe reagimi i policisë ka qenë i menjëhershëm kurse ekipi i emergjencës në vendin e ngjarjes e ka konstatuar vdekjen e tij”, tregoi Gashi.