Gjakovë: Gruaja e mori pensionin e burrit edhe pas vdekjes, arrestohet nga policia
Një grua është arrestuar nga policia gjatë ditës së djeshme në Gjakovë.
Ajo dyshohet se ka marrë pensionin e burrit edhe pas vdekjes së tij.
Lajmin e ka konfirmuar zëdhënësi i policisë për rajonin e Gjakovës Sheremet Elezaj.
Elezaj tha se e dyshuara nuk e kishte lajmëruar vdekjen e bashkëshortit në gjendjen civile.
“Nga Ministria e Financave, Punës dhe Transfereve është raportuar se personi i dyshuari, femer/kosovare kishte përfituar në mënyre të kundërligjshme para nga Departamenti i Administratës Pensionale të Kosovës në vlerë prej 90 euro, pas vdekjes së bashkëshortit dhe e njëjta nuk e kishte lajmëruar vdekjen e tij në gjendjen civile. Stacioni Policor-Gjakovë, me datën 13.12.2022 kanë arrestuar të dyshuarën. E njëjta pas konsultimit me Prokurorin kujdestar është liruar. Rasti kalon në procedurë të rregullt”, tha Elezaj
