Gjakovë: Burri i infermieres e kërcënon një pacient në spital

Burri i një infermiere ka kanosur dje një pacient, i cili ka qenë i shtrirë në spitalin e Gjakovës.

Në raportin e Policisë pacienti ka pasur një mosmarrëveshje me infermieren dhe më pas ai është kanosur nga burri i saj.

“KANOSJE-Gjakovë 11.06.2022 – 09:00. Është raportuar se një i dyshuar mashkull kosovar ka kanosur një pacient i cili ishte i shtrirë në spital, vlen të ceket se pacienti kishte një mosmarrëveshje me një infermiere dhe i dyshuari burri i saj ka kanosur viktimën”, thuhet në raportin e PK-së.

Sipas policisë i dyshuari është arrestuar dhe me vendim të prokurorit është dërguar në mbajtje.