Ministrja e Punëve të Jashtme të Kosovës, Donika Gërvalla, këtë të shtune ka takuar homologun e saj nga Singapori, Vivian Balakrishnan në margjinat e sesionit të 78-të të Asamblesë së Kombeve të Bashkuara në Nju Jork.
Përmes një postimi në platformën social, X, kryediplomatja kosovare, është shprehur shumë mirënjohës për një takim të përzemërt dhe të thellë me Balakrishnan.
Sipas Gërvallës në këtë takim mes tjerash është diskutuar edhe mundësia për të thelluar edhe më tej marrëdhëniet ndërmjet Kosovës dhe Singaporit në të ardhmen.
“Singapori është një shembull se si shtetet e vogla mund të arrijnë rezultate të shkëlqyera kundër të gjitha gjasave”, ka shkruar ajo.
Singapore is an example of how small states can achieve great results against all odds. Very grateful for a cordial and insightful meeting with my colleague Vivian Balakrishnan and the discussion about a variety of opportunities to further deepen our 🇸🇬-🇽🇰 relations in the future pic.twitter.com/sYhKGU9JM7
— Donika Gërvalla-Schwarz (@gervallaschwarz) September 23, 2023







