LAJMI I FUNDIT

Gërvalla e njofton, Kurti jep informacionin: Janë liruar të gjithë policët, përveç zëvendësdrejtorit Jankoviq

Kryeministri Albin Kurti ka konfirmuar nga mbledhja e Qeverisë se janë liruar katër nga pesë zyrtarët policor po mbaheshin në Rashkë të Serbisë. Ai tha se ata janë liruar dhe se i ndaluar vazhdon të mbetet vetëm zëvendësdrejtori i Policisë së Kosovës, Dejan Jankoviq.

“Informacionet e fundit na njoftojnë që të gjithë policët e ndaluar të cilët I përmenda në fjalën time hyrëse tashmë janë liruar, përveç zëvendësdrejtorit të përgjithshëm të Policisë së Kosovës Dejan Jankoviq. Pra zv.drejtori policisë vazhdon që të mbahet në burg në Serbi”, ka thënë Kurti.

Përveç Jankoviqit, dje u ndaluar edhe zyrtarët Sinisha Miliq, Zoran Marinkoviq, Boban Simeunoviq dhe Ramiz Ibrahimi.

VIDEO BONUS: