Gashi: 37 rastet e reja me Covid-19 në Prishtinë, rezultate të mostrave të grumbulluara gjatë pesë ditëve
Në Prishtinë sonte janë shtuar 37 raste të reja me koronavirus.
Drejtori i Shëndetësisë në Prishtinë, Bujar Gashi, thotë se këto raste kanë dalë nga testimi i 155 mostrave nga data 19 – 24 qershor.
“22 raste që kanë dalë pozitive janë testuar direkt në Klinikën Infektive pasi që mund të jenë raste që kanë pasur simptoma”.
Gashi thotë se sot janë bërë 10 testime në QKMF dhe ditën e nesërme nuk pritet të ketë ndonjë numër të madh të infektimeve.
Drejtori i Shëndetësisë në Prishtinë thotë se tashmë janë duke u gjurmuar rastet e familjarëve të afërt dhe rastet me simptoma, përcjell Telegrafi.
“Tashmë gjasat që të dalin rastet pozitive janë shumë më të mëdha se në të kaluarën”, tha ndër të tjera Bujar Gashi.
