Hashim Thaçi, Kadri Veseli dhe Jakup Krasniqi, tashmë gjenden në Gjykatën Speciale, ku po akuzohen për një seri krimesh të pretenduara nga kjo gjykatë.
Gjatë ditës, është mbajtur seanca e parë dëgjimore ndaj ish-zëdhënësit të Ushtrisë Çlirimtare të Kosovës, Jakup Krasniqit.
Ai ka mbajtur një fjalim të zjarrtë përballë prokurorëve të specializuar pranë Gjykatës Speciale.
Ndërsa, ndaj ish-udhëheqësit politik, Hashim Thaçi, seanca dëgjimore do të mbahet sot në orën 15:00.
Pas ngritjes së aktakuzave ndaj këtyre tre personave, kanë filluar të publikohen fotografi që nuk janë parë më parë, të Thaçit, Veselit dhe Krasniqit.
Një e tillë është publikuar gjatë ditës, ku shihen këta tre në një shtëpi, diku rreth vitit 2000.








