Formacionet e mundshme të Barçës dhe Realit
Sot me fillim nga ora 21:00 stadiumi “Camp Nou” do të jetë nikoqir i “El Clasicos” mes Barcelonës dhe Realit, përballje kjo e vlefshme për ndeshjen e kthimit të gjysmëfinales së Kupës së Mbretit.
Në ndeshjen e parë që u zhvillua në stadiumin “Santiago Bernabeu”, Barcelona e mposhti Realin si mysafire me rezultat minimal 1:0, raporton KosovaPress.
Ndërkaq, në ndeshjen e fundit të zhvilluar, Barcelona e mposhti Elchen me rezultat bindës 4:0, kurse Real Madridi e shkatërroi Valladolidin duke e mposhtur 6:0.
Fituesin e kësaj përballjeje në finale të Kupës së Mbretit e pret skuadra e Osasunas, e cila e eliminoi mbrëmë Athletic Bilbaon me rezultat të përgjithshëm 2:1.
Sa i përket ndeshjes së sotme, të dy skuadrat do të kenë probleme me mungesa të lojtarëve, ku për Barçën do të mungojnë Christensen, Dembele, Pedri dhe De Jong, kurse te Reali nuk do të paraqitet vetëm Ferland Mendy.
Formacionet e mundshme të dy skuadrave i gjeni më poshtë.
Barcelona (4-3-3): Ter Stegen; Kounde, Araujo, Alonso, Balde; Kessie, Busquets, Gavi; Raphinha, Lewandowski, Fati
Real Madrid (4-3-3): Courtois; Vazquez, Militao, Nacho, Alaba; Kroos, Tchouameni, Modric; Valverde, Benzema, Vinicius Jr.
