Fjoralba Ponari është një nga moderatoret më të dashura për publikun, i cili e ndjek jo vetëm të dielave në “Portokalli”, por edhe në Instagram-in e saj ku ndan vazhdimisht momente të ndryshme nga jeta e saj.

Ndryshe nga ç’ndodh zakonisht me figurat e njohura të ekranit, ajo ka vendosur ta bëjë publike historinë e saj të dashurisë duke mos e mbajtur të fshehtë identitetin e partnerit.

Françesko nuk i ka marrë vetëm zemrën, por edhe vendin e parë të fansit më besnik. Së fundmi, Fjoralba ka publikuar një foto në Instastory ku shfaqet i dashuri i saj, i cili ka marrë një pozë përpara reklamës në të cilën kishte pozuar prezantuesja.

“Ai është akoma fansi im numër 1”, shkruan ajo dhe duke parë buzëqeshjen e Françeskos, nuk kemi asnjë dyshim për këtë gjë.