Fillon faza e tretë e lehtësimit të masave, nga sot lejohen këto veprimtari
Sot fillon faza e tretë e lehtësimit të masave të vendosura nga qeveria në detyrë për parandalimin dhe kontrollin e përhapjes së koronavirusit.
Faza e tretë e lehtësimit të masave përfshinë:
-Transportin urban dhe ndërurban;
-Taksitë;
– Kafeteritë, baret, restorantet dhe qendrat tregtare;
– Kopshtet dhe çerdhet për moshat 0-5 vjeç;
– Nga data 8 qershor deri më 19 qershor bëhet kthimi klasëve të nënta nëpër shkolla dhe organizohet testi i arritshmërisë i cili do të mbahet me 23 qershor;
– Nga data 15 qershor deri më 30 qershor bëhet kthimi i klasëve të dymbëdhjeta nëpër shkolla dhe organizohet testi i maturës i cili do të mbahet me 4 korrik;
– Hapen kufijtë tokësorë në pikat kufitare si në vijim: Merdare, Vërmicë, Kullë, Hani i Elezit, Jarinje dhe Dheu i Bardhë;
-Rikthehen nëpër institucione publike të gjitha veprimet dhe i gjithë stafi;
-Barnatoret e liçensuara i rikthehen punës dhe orarit të rregullt;
– Bëhet hapja selektive e aktiviteteve sportive.
Këto vendime u morën nga qeveria në detyrë meqenëse situata epidemiologjike në vend konsiderohet me rrezik të reduktuar.