Këngëtari

Fero pranon për posedimin të substancave narkotike

Feronit Shabani, i njohur me emrin artistik Fero, e ka pranuar fajësinë për posedim të paautorizuar të narkotikëve, në seancën e shqyrtimit fillestar të mbajtur të mërkurën në Gjykatën Themelore në Prishtinë, dega në Lipjan.

Pas leximit të aktakuzës nga prokurori Blerim Igrishta, i akuzuari Shabani është deklaruar fajtor për veprën që i vihet në barrë, raporton “Betimi për Drejtësi”.

Shabani tha se ka qenë përdorues i mëhershëm i marihuanës, pasi që merret me muzikë dhe shkruan tekste, mirëpo i njëjti shtoi se nuk ka përdorur më substanca të tilla, që nga dita që është zënë nga policia.