Policia e Kosovës
FAST-i i Policisë së Kosovës arrestoi një person të kërkuar me urdhërarrest nga INTERPOL-i
Policia e Kosovës, konkretisht njësiti ILECU-FAST KOSOVA ka njoftuar se në vazhdën e bashkëpunimit policor ndërkombëtar me shtetet partnere, ka arritur të arrestoj një person me urdhërarrest ndërkombëtarë.
Përmes një komunikate për media Policia e Kosovës ka njoftuar se personi i arrestuar është shtetas i Maqedonisë së Veriut dhe i njëjti akuzohet për veprën penale “Trafikim me Narkotik”, raporton Ballkani.info.
“Me datë 29.04.2024 në qytetin e Ferizajt, ky njësit në bashkëpunim të ngushtë me Drejtorinë për Narkotik dhe Njësinë për Reagim të Shpejtë-Ferizaj pas një pune intensive në terren, ka arritur të lokalizoj dhe arrestoj një shtetas nga Maqedonia e Veriut me inicialet A.H., (viti i lindjes 1983) i shpallur në kërkim ndërkombëtar të INTERPOL-it për veprën penale “Trafikim me Narkotik”.
Ndërsa, me urdhër të Prokurorit kompetent, ndaj të njëjtit do të aplikohen procedurat e parapara për këto raste, deri në ekstradimin e tij.
“Policia e Kosovës, mbetet e përkushtuar në realizimin e detyrave dhe përgjegjësive të saj ligjore, përfshirë edhe fushën e bashkëpunimit ndërkombëtar policor”, thuhet në njoftim./Ballkani.info/
