Familja kërkon ndalimin e dhurimit të parave për Nazlijen, thonë se kanë arritur shumën e nevojshme
Vëllau i Nazlije Sherifit, Iliri, ka njoftuar publikun e gjerë për ndalimin e dhurimit të të hollave për të motrën.
Ai ka kërkuar nga bizneset që ende kanë arkat për grumbullimin e ndihmave, që t’i tërheqin ato meqë mendojnë se kanë arritur shifrën e nevojshme për shërimin e Nazlijes.
“Falenderoj te gjitha bizneset perzemersisht pasi qe ky postim eshte pikerisht per bizneset,te gjith ata te cilet kane ende kacat dhe posteret ne emrin e Nazlije Sherifi ju lus te na kontaktoni qe te terheqim kacat sepse mendojm se kemi arritur shifren e nevojshme! Ju falenderoj perzemersisht per ndihmen e dhene dhe njekohsisht bej thirrje qe te mos mblidhen me te holla per Nazlijen! Respekt dhe nderimet me te perzemerta nga une,familja dhe rrethi yne! Allahu ju shperbleft me te gjitha te mirat ,shendet paqe dhe harmoni ne familjet tuaja.
Allahu i bekofte te gjith Shqiptaret 🇦🇱”, ka shkruar vëllau i Nazlijes në Facebook.
19 vjeçares mitrovicase i nevojitej shuma prej 200 mijë eurosh për të kryer transplantin e veshkës. Pasi vullnetari Valmir Deçani është lajmëruar për dhurimin e veshkës shuma e shpenzimeve është ulur dhe të hënën do kryhet testi i përshtatshmërisë së veshkave.
