Ish-ministri i Zhvillimit Ekonomik, Fadil Ismajli, është arrestuar të enjten mbrëma pas një aksioni të Policisë së Kosovës, të zhvilluar në koordinim me Agjencinë e Kosovës për Inteligjencë (AKI) dhe me urdhër të Prokurorinë Speciale.
Sipas autoriteteve, Ismajli dyshohet se, së bashku me gjashtë zyrtarë të tjerë publikë, ka qenë pjesë e një skeme të organizuar për keqpërdorime me prona, duke shfrytëzuar procedurat gjyqësore në Gjykatën Themelore të Prishtinës – Dega në Graçanicë.
Kandidati i Vetëvendosjes për deputet, Xhelal Sveçla, ka shkruar të dyshuarit kanë vepruar si grup i organizuar kriminal, duke keqpërdorur pozitat zyrtare dhe duke i shkaktuar dëme të konsiderueshme buxhetit të Republikës së Kosovës.
Përveç Ismajlit, në mesin e të arrestuarve janë edhe gjyqtari mbikëqyrës i degës së Gjykatës në Graçanicë, si dhe disa zyrtarë të avokaturës private, eksperti i gjykatës, zyrtarë të Departamentit të Shpronësimeve dhe një zyrtar i Administratës Tatimore të Kosovës.







