Pak më shumë se 15 vite më parë, më 4 Shkurt 2004, një 19 vjeçar student në Harvard Mark Zuckerberg, së bashku me disa miq të tij lançuan një uebsajt të vogël të quajtur Thefacebook.

“Thefacebook është një direktori online e cila lidha njerëzit përmes rrjeteve sociale në kolegje,” shkruhej në përshkrimin e faqes i cili u shfaqej vizitorëve. Kështu përdoruesit e tij mund të kërkoni për njerëz në shkollën e tyre, të gjenin me kë janë në një klasë, të kërkonin miq dhe miqtë e miqve të rrethi social.

Shërbimi fitoi popullaritet me njëherë dhe gradualisht u lançua edhe për kolegjet e tjera. Në fund të 2004 Thefacebook kishte 1 milionë përdorues të regjistruar dhe kompania e re mori një financim prej 500,000 dollarësh nga bashkëthemeluesi i PayPal Peter Thiel.

Pas ndryshimit të emrit në Facebook në 2005, rrjeti social u hap për publikun në Vjeshtën e 2006 duke nisur kështu një prej rritjeve më të bujshme në historinë e një kompanie.

Në vetëm tre vite rrjeti social shtoi 350 milionë përdorues dhe në Verën e 2012 u bë shërbimi i parë online me 1 miliardë përdorues aktivë në muaj. Edhe sot, pavarësisht se është në qendër të kritikave për një numër skandalesh privatësie, Facebook vazhdon të rritet.

Në tre mujorin e fundit Facebook shtoi 39 milionë përdorues aktivë duke sjellë në total numrin e përdoruesve në 2.41 miliardë.

loading…