Ermal Fejzullahu publikon fotografi të rralla nga fëmijëria e tij
Ai është njëri prej artistëve më të pëlqyer në tregun muzikor shqiptar, e njëherësh edhe shumë i kërkuar.
Fjala është për këngëtarin Ermal Fejzullahu, i cili aktualisht është shumë i ndjekur edhe në rrjetet sociale, ndonëse publikon imazhe dhe video të llojllojshme për fansat e tij.
I njëjti gjatë ditës së sotme (e martë), ka sjellë disa fotografi nga arkiva, duke përkujtuar kohën kur ishte fëmijë.
Më saktësisht, këngëtari Fejzullahu ka publikuar në InstaStory disa fotografi të rralla nga fëmijëria e tij, ku shfaqet mjaft i lumtur.
Megjithatë, Ermali nuk ka ndryshuar edhe aq shumë pasi duket i njëjtë edhe tani që është rritur.
Përkundër kësaj, 31-vjeçari vazhdon të jetë shumë i angazhuar në mbrëmje dhe koncerte të ndryshme jo vetëm në trojet shqiptare, por edhe më gjerë.
Sa i përket projekteve muzikore, e fundit këngë e lansuar nga Ermali mban titullin “M’ke harru” në bashkëpunim me Ledri Vulën, që në YouTube ka kaluar shifrën e 6.7 milionë klikimeve.
