Ekipi i FSK-së

Emocionuese: Ekipi i FSK-së kthehet nga Misioni i parë paqeruajtës në Kuvajt, priten nga familjarët dhe eprorët

Zëvendëskomandanti i Forcës së Sigurisë së Kosovës gjeneral major Enver Cikaqi së bashku me shefin e Departamentit të Operacioneve dhe trajnimeve, kolonel Ejup Maqedonci kanë pritur sot në aeroportin ndërkombëtar “Adem Jashari” në Prishtinë ekipin e pjesëtarëve të FSK-së së bashku me dy pjesëtarë të Gardës Ndërkombëtare të IOWA-s, të cilët përfunduan misionin e parë paqeruajtës në Kuvajt krah ushtrisë amerikane.

Në fjalën e tij drejtuar pjesëtarëve gjeneral Cikaqi i përgëzoj pjesëtarët e FSK-së për gatishmërinë dhe u shpreh mjaft krenar për shërbimin që kanë bërë gjatë kësaj periudhë” Mirë se erdhët në shtëpinë tuaj, e kuptoj qe ka qenë mjaft sfiduese për ju, por ju duhet të ndiheni krenar siç ndihemi edhe ne për ju, pasi ju u bëtë pjesë e historisë së vendit tonë dhe tani për misionet e radhës do jenë shumë më të lehta pasi do mësojmë nga eksperienca dhe vështirësitë në të cilat ju keni kaluar”.

Përveç kolegëve të FSK – së në aeroport kishin dalë edhe familjarë të shumtë të pjesëtarëve të cilët sa ishin krenar po aq ishin edhe të emocionuar për takimin e tyre pas disa muajsh.

Forca e Sigurisë së Kosovës do vazhdoj të trajnohet dhe aftësohet profesionalisht që çdo herë të jetë e gatshme për misione të tilla ndërkombëtare.