Policia e Kosovës ka kryer sot bastisje në pronat e kriminelit Milan Radojçiq në veri.
Ballkani.info ka mësuar ekskluzivisht se gjatë bastisjes në pronat e Radojçiqit, policia ka hasur në pajisje të shumta të cilat shërbejnë për prodhimin e kriptovalutave, të cilat ishin të vendosura në njërën nga pronat e tij.
Sipas asaj që ka mësuar Ballkani.info nga burime të mirë informuara nga organet e drejtësisë Policia e Kosovës nuk ka mundur të qendrojë brenda vendit ku janë gjetur pajisjet e kriptovalutave për shkak të nxehtësisë së madhe që kanë lëshuar këto pajisje, shkruan Ballkani.info.
Ndryshe gjatë bastisjes së sotme në disa lokacione të ndryshme në veri policia ka sekuestruar:
• 2 automjete të tipit ‘mercedes’
• argjend 4.84 kg.
• 2 motorë 4X4
• 1 barkë-anije
• 7 DVR
• 2 pllaka antiplumb me dy mbrojtës
• 3 thika
• 2 rutera
• 2 çelësa të veturave
• 5 gëzhoja
• 1 dron
• 5 USB
• 1 kamera GoPro- SSD
• 1 video kamerë me kartelë
• 1 shënjestër optike.
• 1 sprej
• 7 telefona celularë/Ballkani.info







