Edi Rama në Kukës: Më mungon Hashim Thaçi, i dërgoj një përqafim
Sot në aeroportin e Kukësit u ul avioni i parë.
Në fjalimin e tij kryeministri Edi Rama përmendi edhe ish-presidentin Hashim Thaçi i cili gjendet në Hagë në përballjen me drejtësinë.
Ai e ka quajtur Thaçin një prej shqiptarëve më të mëdhenj, dhe ka shprehur bindjen se historia do ta konsiderojë të tillë.
Rama ka përmendur edhe presidentin e ndjerë Ibrahim Rugova.
“Më mungon shumë sot, një prej shqiptarëve më të mëdhenj, jam i bindur se historia të tillë do ta konsiderojë, Hashim Thaçi. Dhe prej këtu nuk e di a më ndjek, a do të mund të më ndjekë, por do të dëshiroja t’i çoja një përqafim dhe ti thosha se në muret e këtij aeroporti gjendet një moment, kur Thaci dhe Rugova të ulur bashkë i hapën rrugë procesit pa kthim, çlirimit përfundimtar të Kosovës” tha ai.
