Lajmi i fundit
Edhe dy muaj paraburgim ndaj “Llune”, i dyshuar për sulm ndaj KFOR-it
Gjykata Themelore në Prishtinë, ka aprovuar kërkesën e Prokurorisë Speciale të Kosovës, duke ia vazhduar masën e paraburgimit edhe për dy muaj Millun Milenkoviq, i njohur si “Llune”, i cili është i dyshuar për sulmin ndaj KFOR-it.
Këtë e ka konfirmuar për Klankosova.tv zëdhënësja e kësaj gjykate, Mirlinda Gashi.
“Ju njoftojmë se Gjykata Themelore në Prishtinë-Departamenti Special, duke vendosur sipas kërkesës së Prokurorisë Speciale të Republikës së Kosovës me numër PPS.nr.103/22, për vazhdimin e masës së paraburgimit kundër të pandehurit M.M edhe për dy muaj, gjykata ka marr aktvendimin me numër PPPS.nr.63/22 të datës 10.11.2023, me të cilën është aprovuar kërkesa e Prokurorisë Speciale të Republikës së Kosovës për vazhdimin e masës së paraburgimit kundër të pandehurit M.M deri me datën 12.01.2024”, thuhet në përgjigje.
