Javën e ardhshme do të fillojë shpërndarja e mbi 160 mijë vaksinave kundër gripit sezonal. Ndërkohë Ministria e Shëndetësisë është në proces të sigurimit edhe të 340 mijë vaksinave të tjera. Shpërndarja e tyre do të bëhet në bazë të kërkesave të IKShP-së, komunave dhe QKMF-ve.

Kështu ka deklaruar ministri i Shëndetësisë, Armend Zemaj pas takimit me përfaqësues të institutit “Robert Koch”, të cilët kanë vlerësuar punën e stafit shëndetësorë gjatë kohës së luftimit të COVID-19.

“Javën tjetër fillojmë me shpërndarjen e 160 mijë e 500 vaksinave të siguruara. Dhe jemi në proces të sigurimit edhe të 340 mijë vaksinave kundër gripit sezonal. Dhe kjo shpërndarje do të fillojë duke filluar nga kërkesat, të cilat i ka marrë tash Instituti Kombëtar i Shëndetit Publik në komunat dhe QKMF-të tona anembanë Kosovës”, ka deklaruar Zemaj.