E mitura arrestohet për kanosje, policia i konfiskon edhe një thikë
Policia e Kosovës ka arrestuar një vajzë të mitur në Gjakovë për shkak se kishte kanosur një person.
Tek e dyshuara policia ka gjetur dhe ka konfiskuar një thikë.
Me vendim të prokurorit e dyshuara është liruar në procedurë të rregullt.
“Rr. Beqir Kastrati, Gjakovë 20.01.2022 – 12:40. Është arrestuar e dyshuara femër kosovare, e mitur për shkak se pas një mosmarrëveshje kishte kanosur viktimën mashkull kosovar. Tek e dyshuara gjatë kontrollit është gjetur dhe konfiskuar një thikë. Me vendim të prokurorit pas intervistimit e dyshuara është liruar në procedurë të rregullt”, thuhet në njoftim.
