LAJMI I FUNDIT
E mërkura, ditë zie në Kosovë
Presidentja e Kosovës, Vjosa Osmani ka vendosur që e mërkura të shpallet ditë zie në Kosovë, pas vrasjes së një gruaje në Pejë.
Sipas Osmanit, shoqëria duhet të jetë në zi çdo ditë derisa të ketë vrasje të grave.
“Nesër do të jetë ditë zie shtetërore në Kosovë, por shoqëria jonë do të jetë në zi çdo ditë përderisa të ketë vrasje të grave dhe vajzave tona”, thuhet në njoftim.
Një grua në Pejë është vrarë mëngjesin e së martës. Ajo dyshohet se u vra nga bashkëshorti i saj, i cili tashmë është arrestuar.
Të premten po ashtu një grua është vrarë në Ferizaj, në Qendrën për Punë Sociale, nga bashkëshorti i saj.
VIDEO BONUS:
