E la Leonora Jakupin për Elvana Gjatën? Valdrin Sahiti sqaron si qëndron e vërteta
Valdrin Sahiti ka folur në “#Gjesi Summer” për bashkëpunimet me shumë emra të njohur. E kur jemi këtu, prej kohësh Leonora Jakupi ishte një bashkëpunëtore e ngushtë e tij.
Mirëpo, është përfolur shumë për prishje të raporteve mes tyre, duke aluduar edhe në atë se kjo ka ndodhur për shkak të një bashkëpunim tjetër të ngushtë të Valdrinit, kësaj radhe me Elvana Gjatën.
Lidhur me këtë, disenjatori sot është pyetur në emision dhe nuk ka nguruar të përgjigjet nëse e ka lënë anash apo jo, Leonorën.
“Nuk ka hatërmbetje mes neve, edhe pse flitet në publik. Leonorën nuk e kam lënë anash por është në përgatitje të albumit, kështu që ka qenë pak pasive. Nuk ka hatërmbetje mes saj dhe Elvanës se janë stile të ndryshme. Ne ndihmojmë njëri-tjetrin që të dalim mirë, ato dyja nuk bëjnë konkurencë mes vete”, ishte deklarata e Valdrin Sahitit.
