Një aksident i rëndë trafiku që ndodhi më 6 qershor në fshatin Lushtë të Mitrovicës ka përfunduar me pasoja fatale për Lavdim Hotin, 34-vjeçar, i cili ndërroi jetë pas 14 ditësh luftë për jetën në Qendrën Klinike Universitare të Kosovës.

Aksidenti ndodhi përgjatë rrugës rajonale Pejë–Mitrovicë, kur Hoti, duke drejtuar veturën e tij të tipit “Volkswagen 1K”, humbi kontrollin në një kthesë të thellë dhe përfundoi jashtë rrugës, në një humnerë të thellë.

Ndërkohë, varrimi i të ndjerit bëhet sot, më 21 qershor 2025, në orën 17:00, në varrezat e fshatit Resnik.