Dukagjin Gorani tregon kush propozoi koalicionin PSD-AAK
Ish deputeti i PSD’së, Dukagjin Gorani, i ftuar në emisionin Pressing të T7, ka thënë se Haradinaj ishte ai që propozoi idenë e koalicionit një apo dy ditë pas dorëheqjes së tij.
“Është e vërtetë se Haradinaj është ardhë një ditë apo dy pas dorëheqjes, dhe për ne kjo ishte një nder që na u bë”, ka thënë Gorani
Gorani gjithashtu ka sqaruar se ideja e PSD’së ishte që në zgjedhje të shkonin pa koalicion.
“Na e kemi pasë ndërmend me shku vet, sepse s’jemi parti që i trokasim partive tjera në derë për koalicion”, ka thënë Gorani në Pressing të T7.
Ndërsa nënkryetari i AAK’ë, Muharrem Nitaj, tha se ky koalicion është shumë më i ndershëm se koalicioni PAN, i zyrtarizuar në minutat e fundit.
“Shumë më mirë dhe më ndershëm është me e shpallë koalicionin herët, e jo 5 minuta para orës 00:00”, shtoi Nitaj nga AAK.
