Dugolli: U mbyllën epokat e Rugovës dhe Thaçit, tani është epoka e Albin Kurtit
Profesori, Bujar Dugolli thotë se Albin Kurti është lideri më i fuqishëm në Kosovë dhe po e fillon një epokë të re.
“Lëvizja Vetëvendosje është hera e tretë që po i fiton zgjedhjet. Historia e rritjes së saj prej 2010 kur fillon me marrë pjesë në zgjedhje ka qenë në rritje dhe tash e ka atë finalen e madhe’, thotë Dugolli në Pressing.
“Është në pyetje fillimi i një epoke të re. E ka pasur një epokë që është identifikuar me Ibrahim Rugovën dhe ajo kohë mbahet mend se ka qenë epoka e Ibrahim Rugovës. Ka qenë epoka e Thaçit që ka qenë prej 2008. Tash është epoka e Albin Kurtit”, theksoi Dugolli.
