Këngëtarja

Dua Lipa po akuzohet se ka vjedhur këngën nga këngëtarja turke

Ka pak ditë që Dua Lipa ka publikuar këngën e re.

Dua Lipa në bashkëpunim me “Blackpink”, katër ditë më parë ka publikuar këngën “Kiss and Make Up”.

Por, nga mediet turke kanë ardhur reagime pas publikimit të kësaj kënge, ku këngëtarja shqiptare akuzohet se ka vjedhur këngën nga Aleyna Tilki.

“Oneido.com” raporton se kësaj radhe kopjimi i këngës ndodhi nga këngëtarja me famë botërore, pop-ylli Dua Lipa, e cila u frymëzua nga Aleyna.

Reagime ka pasur edhe në rrjetin Twitter, ku komentuesit shkruajnë se “Kiss and Make Up” nga Dua Lipa dhe grupi korean “Blackpink” kopjoi këngën “Sen Olsan Bari” nga Aleyna Tilki.

Më poshtë mund t’i dëgjoni të dy këngët dhe të vlerësoni se a kanë ngjashmëri me njëra-tjetrën.