Driton Selmanajt i bien votat në vendlindje, nuk dihet se a bëhet deputet

Komisioni Qendror i Zgjedhjeve ka numëruar të gjitha votat në komunat e Kosovës, dhe ka filluar të publikoi votat e kandidateve për deputet nga të gjitha subjektet, por ende nuk ka një datë të saktë për numërimin e votave me kusht dhe ato me postë, shkruan Express.

Kandidati për deputet nga radhët e LDK’së, Driton Selmanaj, gjatë kësaj kohe ishte edhe zëvendëskryeministër në qeverinë Hoti, por që në zgjedhjet e mbajtura më 14 shkurt në vendlindjen e tij, ai ka arritur të grumbullojë deri tani vetëm 1485 vota.

Ndërsa, Selmanaj në zgjedhjet e kaluara kishte arritur 3.892 vota në Prizren.

Edhe pse ishte pjesë e 10-shës së parë në listën e kandidatëve për deputet, ai nuk arriti që të grumbullonte më shumë vota se Florent Ukaj dhe Selajdin Fanaj që ishin të renditur më poshtë në listë.