Superliga
Dramë në kohë të rregullt dhe penallti në ndeshjen e barazhit – Prishtina e Re pas 24 penalltive doli fituese
Dinamo Ferizaj dhe Prishtina e Re luajtën ndeshjen e barazhit të Ligës së Parë, ku pas një përballje me shumë gola (3-3), fituesi u zgjodh me penallti, ku prishtinasit dolën triumfues për të fituar të drejtën të luajnë ndeshjen ndaj Feronikelit 74 për Superligën e Kosovës.
Kjo përballje doli të jetë shumë interesante, me aksione të bukura, gabime në mbrojtje, lojë të fortë dhe të pa kompromis nga të dyja skuadrat.
Dinamo e Ferizajt, kaloi e para në epërsi, ku Fidan Gërbeshi shënoi nga pika e bardhë për 1-0 në minutën e 22-të.
![](https://telegrafi.com/wp-content/uploads/2024/05/445810122_958587062721546_7056810573713189499_n.jpg)
Pas shtatë minutash, Salih Kosumi arriti t’i barazojë shifrat në 1-1 pas një gabimi në mbrojtjen e Dinamos.
Por skuadra e Bylbyl Sokolit nuk u ndal me sulme dhe arriti që në kohën shtesë të pjesës së parë të shënonte për 2-1 me Daniel Tette.
![](https://telegrafi.com/wp-content/uploads/2024/05/443835528_958586172721635_414105435075040531_n.jpg)
Fillimi i pjesës së dytë i takoi Prishtinës së Re, kur në minutën e 47-të, Vigan Ademi, arriti t’i barazojë shifrat në 2-2.
Me këtë rezultat u mbyll koha e rregullt dhe skuadrat shkuan në vazhdime, ku shënuan nga një gol.
Për herë të parë në ndeshje Prishtina e Re kaloi në epërsi prej 3-2 pasi Urim Statovci shënoi duke shfrytëzuar gabimin e portierit Leutrim Rexhepi.
![](https://telegrafi.com/wp-content/uploads/2024/05/443837053_966091992183354_6350812319314543041_n.jpg)
Por se kjo ndeshje do të kishe penallti u vendos, kur Dardan Jashari në tentim për të larguar topin shënoi në portën e tij për 3-3.
Pas vazhdimeve, skuadrat shkuan në penallti, ku më të mirë dolën të jenë futbollistët e Prishtinës së Re që fituan 7-6, pasi u gjuajtën plotë 24 penallti.
Ndeshja e fundit e sezonit do të luhet mes Feronikelit 74 dhe Prishtina e Re për të mësuar skuadrën e dhjetë që do të luajë në Superligën e Kosovës.
Penalltitë
Prishtina e Re: O O O X X X O O O X X O
Dinamo Ferizaj: X O O X O X O O O X X X