Donika Kadaj përplaset me Shkëmb Manaj: T’i je frikacak, të njoh unë moti
Deputeti i LDK-së, njëherit, kreu i Komisionit për Legjislacion, Shkëmb Manaj, është përplasur në mbledhjen e sotme me deputeten e AAK-së, Donika Kadaj-Bujupin.
Si shkak është bërë një letër e dërguar në këtë komision ku është bashkangjitur edhe një shkresë nga ish-presidenti i gjyqtarëve të EULEX-it, Malcolm Simmons, për të cilën letër deputetët e kanë akuzuar Manajn se e ka mbajtur të fshehtë.
Deputetja e AAK-së e ka akuzuar Manajn se e ka shkelur kodin penal.
“Pse e ke mshefë shkresën ku thuhet se ka pretendime serioze? Kush të ka thanë me mbajtë fshehtë:? Unë nuk jam frikacake si ti, e ke shkelë kodin penal”, ka thënë ajo.
Megjithatë, kreu i komisionit Shkëmb Manaj iu është përgjigjur deputetes së AAK-së duke i thënë se njihen moti.
“Njihemi na mirë, goxha gjatë”, tha ai.
Kadaj tha se po është e vërtetë se njihen moti pasi janë vendas.