Dogana konfirmon mbylljen e terminalit doganor në Han të Elezit

Terminali doganor në Han të Elezit do të mbyllet sonte për shkak të mungesës së licensës.

Këtë lajm e ka konfirmuar zëdhënësi i Doganave të Kosovës, Adriatik Stavileci.

“Terminali doganor është pezulluar përkohësisht nga sonte në ora 24:00 në mungesë të licensës nga ministria përkatëse. Në momentin që pajiset me licensë nga Ministria e Infrastrukturss do ts vazhdon operimi nga Dogana”, thotë Adriatik Stavileci.

Sonte nga pas orës 24:00, të gjithë kamionët duhet të devijojnë në terminale tjera.

Kurse dërgesat që janë në terminal dhe ato që hynë deri në ora 00:00 do të vazhdojnë të zhdoganohen ditët në vijim .

Ndërkohë stafi në zyre do të vazhdojnë punën deri në njoftimin e radhës. 

Terminalit doganor në pikën kufitare në Han të Elezit, “Terminali Sh.p.k”, në pronësi të biznesmenëve kosovarë Rrustem Rukolli dhe Xhevdet Bajramaliu. /Ballkani.info/