Një djalë trevjeçar është shtypur për vdekje nga i dashuri i nënës së tij.
Sipas raportimeve të mediave britanike, Stephen Waterson e shtypi djalin e vgël të të dashurës së tij, Alfie si ndëshkim ngaqë i vogli, sipas tij, ishte i zhurmshëm.
Ai e kishte vendosur fëmijën poshtë në pjesën e pasagjerit mbrapa dhe e kishte shtyrë sediljen e tij në mënyrë që ta pushonte djalin që po qante.
25-vjeçari e shtyu dy herë sediljen e tij ndaj trevjeçarit dhe e mbajti ashtu derisa ky i fundit ra në heshtje dhe më pas filloi të bënte zhurma mbytjeje.
Alfie i vogël u “shtrydh” dhe u mbyt poshtë sediljes së shoferit dhe ndërroi jetë tre ditë pasi kishte kaluar një arrest kardiak në shtëpinë e çiftit në jug të Londrës.
Prokurorët deklaruan se i vogli thërriste të ëmën ndërkohë që Stephen e shtypte me sedilje. Gjatë kohës që djali u torturua, e ëma, Adrian Hoare ndodhej në makinë me të.

