Digjet autobusi i linjes Dragash-Prizren-Beograd
Një autobus është kapluar nga zjarri në Zhur të Prizrenit.
Vesel Gashi, zëdhënës i Policisë Rajonale të Prizrenit, ka thënë për Ballkani.info se nuk ka persona të lënduar.
“Rreth orës 22:00, Policia e Kosovës ka marrë informatën se në Zhur të Prizrenit është kapluar nga zjarri një autobus i kompanisë “Adio Turs”. Ky autobus ishte i linjës së rregullt të udhëtimeve Dragash-Prizren-Beograd”, ka thënë Veseli.
Gashi ka thënë se në vendin e ngjarjes ka dalë menjëherë policia së bashku me zjarrfikësit të cilët janë duke u përpjekur që ta fikin zjarrin.
Sipas tij, ende nuk dihen shkaqet që e kanë shkaktuar këtë zjarr.
