“Dhelpër Dinake” e Mozzik arrin pesë milionë klikime në YouTube
Ai ditë më parë publikoi projektin e ri muzikor, madje konsiderohet të jetë kënga e tij e parë tërësisht në gjuhën shqipe, pas një kohe të gjatë.
Fjala është për reperin nga Ferizaj, Mozzik, i cili javën e kaluar solli këngën e re të realizuar me klip, “Dhelpër Dinake”.
Ndonëse kishte kohë që nuk lansoi këngë në gjuhën shqipe, ky projekt u mirëprit nga publiku dhe deri më tani ka kaluar shifrën e pesë milionë klikimeve në kanalin zyrtar, YouTube.
Këtij suksesi i është gëzuar edhe vet reperi, derisa ka ripostuar lajmin e DJ-të të tij, DJ Cosmo, për arritjen e pesë milionëve për gjashtë ditë.
Krahas suksesit, “Dhelpër Dinake” mori reagime të shumta nga fansat e Mozzik, duke aluduar se i tërë teksti ka të bëjë me ish-partneren e tij, Loredana Zefin.
Dhe për këtë të fundit kanë shkruar edhe mediat zvicerane, me preteksin se ajo është ‘goditur’ nga bashkëshorti i saj, menjëherë pas ndarjes së tyre.
Megjithatë, në një nga intervistat e fundit, reperi shqiptar ka thënë se ka respekt të veçantë për Lorin, pasi ajo është nëna e vajzës së saj, Hanës.
Veç tjerash, 24-vjeçari është kthyer në Kosovë, për të vazhduar jetën dhe karrierën profesionale dhe nga labeli “2Euro Gang” tanimë do të dalin të gjitha hitet e Gramos Aliut.
