DETAJE/ Dy aksidente në Prishtinë, lëndohen gjashtë persona
Gjashtë persona janë lënduar si pasojë e dy aksidenteve të cilat kanë ndodhur mëngjesin e sotëm në Prishtinë.
Zëdhënësja e Policisë së Kosovës për rajonin e Prishtinës, Flora Ahmeti tha për Demokracia.com se aksidente janë përfshirë katër automjete.
Ajo tha se rreth orës 06:30, në rrugën Garibaldi në Prishtinë, ka ndodhur një aksident ku janë lënduar gjatë persona.
“Rreth orës 06:30, në rrugën Garibaldi në Prishtinë, ka ndodhë një aksident trafiku ku janë përfshirë dy automjete, (një veturë dhe një furgon). Bazuar në të dhënat e deritanishme si pasojë e aksidentit gjashtë persona janë lënduar. Personat e lënduar janë dërguar për tretman mjekësor ndërkohë që me rastin po merret njësiti i trafikut”, tha Ahmeti.
Ndërsa në aksidentin në rrugën “Eqrem Çabej” nuk është lënduar asnjë person,
“Rreth orës 07:30, në rrugën Eqrem Çabej, në Prishtinë, ka ndodhë një aksident trafiku janë përfshirë dy automjete. Si pasojë e aksidentit janë shkaktuar vetëm dëme materiale”, tha ajo./Demokracia.com/
