Presidentja e Kosovës Vjosa Osmani ka bërë të ditur se gjatë ditës ka pasur një takim javor koordinues për politikën e jashtme.
Pjesë e këtij takimi kanë qenë edhe kryetari i Kuvendit Glauk Konjufca, kryeministri Albin Kurti dhe zëvendëskryeministrja, njëherësh shefja e diplomacisë kosovare Donika Gërvalla.
Gjatë këtij takimi u diskutua për nismat në fuqizimin ndërkombëtar dhe angazhimin në dialogun e përqendruar në njohje.
Kështu bëri të ditur Osmani përmes një postimi në Facebook.
Postimi i plotë i Osmanit:
Takim javor koordinues për politikën e jashtme me Kryetarin Konjufca, Kryeministrin Kurti dhe Zëvendëskryeministren Gërvalla. Diskutuam për nismat për fuqizim ndërkombëtar të shtetësisë së Republikës së Kosovës dhe angazhimin tonë në dialogun e përqendruar në njohje.







