LDK

Deputeti i LDK-së: Komentet e aktivistëve të VV-së të bëjnë me vjellë

Deputeti i zgjedhur i LDK-së, Haxhi Avdyli ka reaguar ashpër ndaj grafiteve të shfaqura së fundi, ku shihet nënkryetarja e partisë së tij, Vjosa Osmani, me mbishkrimin “Ku është Vjosa”.

Reagimi i Avdylit i është drejtuar anëtarëve të VV-së, që ai thotë se po bëjnë fushatë linçuese, shkruan lajmi.net.

Në këtë kuadër, Avdyli thotë se shtrohet pyetja se “Ku është Albin Kurti”.

Deputeti  i rizgjedhur nga Prizreni, shkon edhe më larg në reagimin e tij përmes Facebookut, teksa thotë se komentet e aktivistëve të VV-së të bëjnë të vjellësh.

Postimi i plotë i Avdylit në Facebook:

Nga ” Ku është Vjosa Osmani” shtrohet pyetja “ku është Albin Kurti”
Fushatë linquese, denigruese e primitive e aktivistëve të VV-së kundër Vjosa Osmanit, zërit më të fuqishëm pro një Qeverie LDK-VV

Do te kuptoja gjithcka, në një periudhë negociatash për koalicion kur partitë perdorin teknika te ndryshme negociimi, por është përtej cdo logjike normale të tentosh të rrënosh nepermjet fushatës linquese partnerin me kredibil, me përafrues dhe me legjitimitet qe do te mund te kishte VV-ja, Vjosa Osmanin.

Komentet qe keto dite i lexojmë nga aktiviste të VV-së drejtuar Vjosës të bëjnë me vjelle. Aq shumë gjuhë urrejtese, denigruese e ofenduese si kam pare ndonjehere te perdorin as kundër politikanëve të PAN-it. Tash paskan filluar edhe me grafite e vizatime nëpër Prishtinë. Gjuhë primitive ku politikanja me parimore pro koalicionit VV-LDK quhet: ‘kukull e kontrolluar’ ‘nuse qe ka shku ne kanagjeq’ ose ‘ka shku te t’vet’ ‘vegel e oligarkeve’ ‘memece’ ‘e kane mbyllë në podrum’, ‘po i bjen defit’ e shume komente te tjera edhe me banale qe me vjen turp ti shkruaj këtu.

Pyesin ku eshte Vjosa por jane aq të verbuar nga urrejtja sa nuk e shohin që Vjosa deklarohet cdo dite pro bashkepunimit LDK-VV me gjuhë të matur e përbashkuese, mbanë dhjetera takime ne ditë duke tentuar te gjejë zgjidhje qe ky koalicion te behet dhe perkunder te gjitha ofendimeve qe po ja beni perseri mbetet personi me i angazhuar pro ketij koalicioni. Dhe ashtu sic nuk i eshte nenshtruar kurrë askujt, nuk nenshtrohet as para fushates linquese.

Perderisa po shihet ku është Vjosa, pra po punon me tërë qenien e saj që vullneti qytetar i 6 tetorit te jetesohet, pyetja ime eshte Ku eshte Albin Kurti? Pse nuk e ndalë këtë fushatë denigruese? Cka i sherben atij humbja e partnereve politike bashkepunues? Pse nuk u bene thirrje aktivistëve te vetë të ndalin linqime e madje edhe thirrjet per pushkatim ndaj neve qe ishim zëra me pro bashkepunimit me VV? Ku është Albini përderisa aktivistët e vet po ja rrezikojnë mundësinë per tu bërë Kryeministër?.