Deputeti i LDK-së: Bilanc lufte, 70 vdekje në 72 orët e fundit, çdo orë vdes nga një kosovar
Deputeti i Lidhjes Demokratike të Kosovës, Besian Mustafa, ka reaguar pasi vetëm sot kanë humbur jetën 36 persona nga COVID-19.
Këtë ai e ka vlerësuar si bilanc lufte.
“70 vdekje në 72 orët e fundit. Pra, çdo orë vdes nga një kosovar”, ka shkruar ndër të tjera Mustafa.
Postimi i plotë i Mustafës:
Bilanc lufte!
70 vdekje në 72 orët e fundit. Pra, çdo orë vdes nga një kosovar. Një familje humb babain, nënën, vajzën, djalin, motrën, vëllaun, gjyshen… çdo orë, 24 orë në ditë.
“Populli i ka fajet” thonë, se “nuk po vaksinohen”.
E dielë. 36 anëtarë të familjeve tona vdiqën sot. Qendrat e vaksinimit kanë pushim. Termine të lira nuk ka.