Sot gjatë ditës pas një bastisje në zyrat e veteranëve, zyrtarë të EULEX’it kanë arrestuar kryetarin e OVL-UÇK’së, Hysni Gucatin.
Për këtë çështje ka reaguar në seancën e Kuvendit të Kosovës, deputeti i AAK’së, Gazmend Syla.
Syla nuk ka pranuar të shtrojë pyetjen e tij parlamentare, duke thënë se nuk mund të diskutojë për diçka tjetër, kur ka zhvillime të tilla te zyrat e veteranëve.
“Nuk bëhet fjalë për arrestimin e Filan Fistekut po për dikë që përfaqëson mijëra qytetarë të vendit tonë”, ka thënë deputeti Syla.







