Nju Jorku është një nga 16 shtetet ku tradhtia bashkëshortore vazhdon të jetë një vepër penale. Në Oklahoma, Wisconsin dhe Michigan, ende klasifikohet si krim.

Por a do bëhet e ligjshme në shtetin e Nju Jorkut?

Tradhtia bashkëshortore e dokumentuar që në vitin 1907 dënohet me 500 dollarë gjobë ose 90 ditë burg. Ky ligj hyri në fuqi si mënyrë për të reduktuar divorcet. Ndjekja e parë e cila erdhi disa javë pasi ligji hyri në fuqi, përfshinte një investitor të martuar i cili la gruan e tij për një vajzë 25-vjecare që punonte në një dyqan.

Ndjekjet penale tani janë të rralla që nga viti 1972, vetëm pesë raste të dënuar. I fundit ndodhi në Nju Jork në vitin 2010. Charles Lavine, një kongresmen demokrat ka prezantuar projektligjin për dekriminalizimin e tradhtisë bashkëshortore duke thënë se shteti nuk ka asnjë rol në rregullimin e sjelljes seksuale konsensuale midis të rriturve. Kjo nuk është hera e parë që tentohet të shfuqizohet ligji.

U diskutua që në vitin 1964 por propozimet nuk çuan kurrë në ndryshimin e tij. Projektligji kaloi në Asamblenë e Nju Jorkut dhe tani është në pritje të miratimit në Senatin e Shtetit