BBV

Demaskohet produksioni i “Big Brother”, dalja e Einxhel e planifikuar publikohen mesazhe

Mbrëmjen e djeshme moderatorja Arbana Osmani lexoi emrin e Einxhel Shkirës si të eliminuarës nga shtëpia e ‘big Brother VIP’.

Moderatorja ishte në nominim me Ilir Shaqirin dhe partnerin e saj Dj Dagz, dhe publiku vendosi ta largonte nga gara.

Mirëpo bileta e saj vajtje-ardhje arriti që ta bënte atë sërish pjesë të shtëpisë më të famshme në Shqipëri.

Edhe pse eliminimi fillestar i Einxhel duket se ishte i paparashikuar nga banorët apo nga opinionistët, ish-fituesi i “Big Brother” Anaid Kaloti, ka bërë një postim në llogarinë e tij të “Instagram” që i ka surprizuar të gjithë.

Pak orë para publikimit të të eliminuarës së natës, Anaidi ka publikuar një ‘story’ drejtuar ndjekësve të tij në të cilën shkruan:

“Habiteni ju nëse del Einxhel sonte…?!”

Më pas, ai publikon sërish një bisedë me ish-konkurrentin Ardit Çuni, ku i thotë atij se Einxhel “del dhe hyn prapë”.

“Ta dish se pastaj thua Anaidi shpik”- ka shtuar ai, duke lënë të nënkuptojë se di diçka më shumë.

Kjo nuk është hera e parë që ish-fituesi i “Vëllait të Madh” ka bërë deklarata ku dëshiron të nënkuptojë vendime të paracaktuara nga produksioni.

Rikujtojmë se dhe me daljen Big Mamës, ai deklaroi se sipas tij, ishte e parashikuar dhe “aq e kishte kontratën”.