Deklarata e rrallë e Fehmi Lladrovcit për BBC’në: Do të ishte nder i madh, të vdes për Kosovën

Intervista e komandantit të Ushtrisë Çlirimtare të Kosovës, Fehmi Lladrovci dhënë për BBC’në, ishte njëra ndër intervistat që për shumë qytetarë u bë frymëzim për të luftuar.

Fehmi Lladrovci ishte njëri ndër ushtarët dhe komandantët më të mirë të UÇK’së.

Ai kishte dhënë një intervistë për BBC’në, intervistë kjo që ka mbetur në kujtesën e shumë qytetarëve të vendit.

Në këtë intervistë, Lladrovci ishte pyetur nëse është i gatshëm të vdes për Kosovën, e kësaj pyetje i ishte përgjigjur tamam si një hero.

Me një buzëqeshje karakteristike ai dha një përgjigje që do të mbahet mend gjatë.

“Me gjithë dëshirë. Më e shtrenjtë është liria se jeta. Ky do të ishte nderi më i madh për mua”, ishte përgjigjur Lladrovci.

Fehmi Lladrovci dhe bashkëshortja e tij Xhevë Krasniqi-Lladrovci ranë heroikisht me 22 shtator të vitit 1998, në një betejë të vështirë e të pabarabartë me forcat serbe. Sot bëhen 22 vite nga rënie e tyre heroike.

Më poshtë keni intervistën e Lladrovcit dhënë BBC’së.