Daut Haradinaj – “shpi për shpi”, për ndryshimin në Prishtinë
Ndonëse i lindur në Deçan, ish-deputeti i Aleancës për Ardhmërinë e Kosovës, e ka shpallur kandidaturën e tij për ta udhëhequr Prishtinën. Madje për t’ia arritur këtij qëllimi Haradinaj thotë se ka afruar afër vetit ekipin më të mirë.
Tashmë ai i ka listuar edhe prioritet, teksa thekson se ka gjetur përkrahje të madhe nga prishtinasit. Haradinaj shtoi se edhe daljet në terren i ka shpeshtuar, pasi Prishtina sipas tij ka nevojë për ndryshim.
Pos Haradinaj, garës për kryetar të Prishtinës i ka hyrë edhe arkitekti Përparim Rama nga Lidhja Demokratike e Kosovës si dhe Selim Pacolli nga Aleanca Kosova e Re. Ndërkaq zgjedhjet lokale në Kosovë mbahen më 17 tetor.
