Dashni te Kombëtarja e Kosovës: Berisha dhe Zeneli pozojnë së bashku, komente interesante nga Rashica e Vojvoda
Dyshja e Kosovës, Valon Berisha dhe Arbër Zeneli, janë shprehur gati për fillimin e sezonit 2020/21 në Ligue të Francës.
Mesfushori që iu bashkua Reimsit në muajin e kaluar, Valon Berisha, ka postuar një fotografi me Arbër Zenelin, të cilin e cilëson si vëlla.
“Gati për fillimin e sezonit të ri. Të dielën po vjen një ndeshje e madhe” – ka shkruar Berisha, teksa për Zenelin shkruajti “vëllau im”.
Ashtu si në çdo postim tjetër, futbollistët e Kosovës dëshmojnë se kanë raporte teje të mira mes vete me komentet e bëra. Në këtë foto, Milot Rashica ka komentuar: “Lets go brotherss”, teksa Berisha i ka replikuar me “ta ha zemren biroo”.
“Kry kput shqiptar qita dy” – ishte komenti i Mërgim Vojvodës, teksa Berisha ia ktheu “a daj qitasht ja ki qellu”. Këto ishin disa nga komentet që morën vëmendjen edhe të tifozëve, pasi që kishte edhe komente tjera nga lojtarët e tjerë të Kosovës.
Ndryshe, sezoni i ri në Ligue fillon më 21 gusht, teksa Reimsi ndeshjen e parë e zhvillon më 23 gusht në udhëtim te Monaco.
