Serbia

Daçiq thotë se edhe një shtet tjetër ka tërhequr njohjen e Kosovës

Serbia po vazhdon luftën e saj për të zvogëluar numrin e shteteve të cilat e kanë njohur pavarësinë e Republikës Kosovës.

Sot ministri i Jashtëm i Serbisë, Ivica Daçiq, në një prononcim për ‘tanjug’, ka thënë se Dominika ka tërhequr njohjen për pavarësinë e Republikës së Kosovës.

“Një tjetër shtet tërheq njohjen për pavarësinë e Kosovës”, ka thënë Daçiq.

Më herët shteti serb ka pretenduar se njohjen për pavarësinë e Kosovës e kanë tërhequr edhe disa shtetet tjera si Suriname, Liberia, Sao Tome dhe Principe, Guinea Bissau, Burundi, Papa Guinea dhe Lesoto.

Ndërkohë deklarime të tilla të shtetit serb gjithmonë janë demantuar nga Ministria e Punëve të Jashmte të Kosovës, duke thënë se janë propagandë e Serbisë.

Dominika e kishte njohur Republikën e Kosovës si shtet  me 11 dhjetor të vitit 2012.

“Në emër të popullit të Komonvelthit të Dominikas, është kënaqësi e veçantë të ju informoj se Dominika njeh Kosovën si shtet të pavarur dhe sovran. Përgëzojmë përkushtimin e popullit të Kosovës për të ndërtuar një shtet të pavarur mbi bazën e parimeve të lirisë dhe demokracisë”, thuhej në letrën e dërguar nga Dominika. /Ballkani.info/