Daçiq për dialogun: Problemin kryesor për Lajçakun është në Kosovë
Kryeparlamentari i Serbisë, Ivica Dacic ka folur sot për media lidhur me dialogun Kosovë-Serbi.
Dacic duke i komentuar marrëdhëniet mes Beogradit dhe Prishtinës, ka thënë se emisari special i Bashkimit Evropian për dialogun, Miroslav Lajcak do të ketë më shumë probleme me Prishtinën.
“Padyshim që do të ketë më shumë probleme me Prishtinën”, citohet të ketë thënë Dacic.
Kujtojmë se në këtë javë, Lajcak vizitoi për tri ditë Kosovën, ku bisedoi me krerët e partive politike për dialogun me Serbinë.
Pas Kosovës, Lajcak vizitoi edhe Serbinë, ku edhe atje u takua me zyrtarë të lartë të shtetit për të diskutuar rreth dialogut.
Emisari special i BE-së ka thënë se pret që dialogu të fillojë pas formimit të qeverisë në Kosovë.
