Covid-19 gjunjëzon Italinë, 627 viktima brenda 24 orëve

Brenda 24 orëve në Itali kanë humbur jetën 627 persona nga koronavirusi. Numri total i personave që kanë vdekur ka shkuar në 4032, që i ngjan një bilanci lufte.

Situata duket e rëndë në Itali, pasi numri i viktimave dhe të prekurve vijon të rritet me shifra të frikshme. Ndërkohë numri total i të prekurve me COVID-19 është 47 021.

655 prej tyre janë në gjendje kritike për jetën e po kurohen në repartet e terapive intesvie. Edhe persona të infektuar nga koronavirusi janë 5986 më shumë se një ditë më parë.

Situata në rajonin e Lombardisë mbetet kritike ku deri sot janë 22 264 pacientë të infektuar e 2549 viktima. 1060 pacientë në këtë rajon janë në gjëndje kritike për jetën. Brenda 24 orësh në Lombardi janë regjistruar 380 viktima.

Rajoni i Bazilikatës është rajoni me numrin më të ulët të personave të infektuar, 52 e deri më tani nuk ka asnjë viktimë.

Rajoni i Lazios ka regjistruar sot një rritje shqetësuese në krahasim me një ditë më parë. Numri i personave të infektuar ka arritur sot më 1008 e janë shënuar deri më tani 48 viktima.

Në Itali janë kryer deri më sot 206 886 tampone.